Манай компанийн үйл ажиллагааны хамгийн чухал хэсгүүдийн нэг болох мэдээлэл цуглуулалтыг нугалдаг судлаач нартаа талархлаа илэрхийлж, шинэ жилийн бэлгийг нь гардуулав. Мөн ажлын гүйцэтгэл болон чанарын түвшнээрээ бусдыгаа манлайлсан 2 шилдэг судлаачийг шалгаруулж, цом, үнэ бүхий зүйл дурсгалаа.�� Шилдэг судлаач нараа онцолбол: 2023 онд 14 судалгааны мэдээлэл цуглуулалтын ажилд оролцож, нийт 2502 судалгааг бие даан авсан амжилтаараа оны шилдэг судлаачаар М.Жуудай эгч маань шалгарав. М.Жуудай эгч маань өдгөө 70 нас хүрч байгаа бөгөөд 2024 онд компьютерын сургалтад сууж чадвараа ахиулна гэж зорьж байгаа түүний хичээл зүтгэлийг үгээр хэлэхийн аргагүй, үнэхээр их бахархаж байна. Дараагийн шилдэг судлаач маань аж, ахуйн нэгж байгууллагад суурилсан судалгааг мэргэжлийн түвшинд авдгаараа алдартай. Бидний гүйцэтгэсэн томоохон түүвэртэй ААНБ-ын түүвэр судалгааны нийт 20 хувийг дангаараа гүйцэтгэж, хамгийн олон судалгаа авсан амжилтаараа 2023 оны шилдэг судлаачаар Ц.Энхжаргал эгч маань шалгарсан юм. Ц.Энхжаргал эгч маань мөн тэтгэвэртээ суусан гээд та бүхэн боддоо. Эгч нараараа үнэхээр их бахархаж байна. �� Шилдгээр шалгарсан сайхан эгч нартаа болон нийт судлаач нартаа шинэ он, шинэ жилийн гал халуун баярын мэндийг хүргэе.

Тус хурлын үеэр 2023 онд амжилт бүтээл арвин байж, эв эеийг эрхэмлэж, бусдыгаа хошуучлан ажилласан шилдэг ажилтнуудаа шалгаруулж, Тайланд улсад аялах эрхийн бичгийг гардууллаа. Мөн тууштай, тогтвортой, удаан жил ажиллаж буй ажилтнууддаа талархал илэрхийлж, мөнгөн урамшуулал олгов. Судалгаатай үндэстэн бэлтгэх ил үйлсэд хувь нэмрээ оруулж, өдөр бүр ханцуй шамлан ажилладаг SICA компаниар овоглосон нийт ажилтнууддаа талархал илэрхийлж, шинэ жилийн гал халуун мэндийг хүргэе. Та бүхэндээ эрүүл мэнд, эв нэгдэл, аз жаргал, амжилт бүтээлийн дээдийг хүсье!

2023 оны 12 сарын 04–07–ны өдрүүдэд Ази Номхон Далайн Үнэлгээний Холбоо (APEA–Asian Pacific Evaluation Association) ны “Future of Evaluation: Leveraging Partnerships for Equitable Development in Asia Pacific” сэдэвт чуулган Филиппин улсын Манила хотноо боллоо. Тус чуулганд 39 орны 192 үнэлгээчид цуглаж, сайн туршлагаа хуваалцаж, хяналт-үнэлгээний ирээдүйн чиг хандлагын талаар хэлэлцлээ. Монгол Улсаас нийт 15 хүний бүрэлдэхүүнтэй баг тус чуулганд оролцсон юм. Манай компанийн хувьд 4 хүний бүрэлдэхүүнтэй оролцож, олон улсын туршлагаас суралцлаа.

ЦойлогсоZ залуусын коммунитигээс зохион байгуулдаг YOUTH CONFERENCE нь 3 дах жилдээ COMPASS OF OPPORTUNITIES нэрийн дор 3000 гаруй залуусын оролцоотойгоор зохион байгуулагдав. Энэхүү арга хэмжээнд бид СУДАЛГААТАЙ ҮНДЭСТЭН стратегийн хүрээнд хэрэгжүүлж буй MONGOLIAN IDENTITY цуврал судалгааны 2 дах судалгаа болох МОНГОЛЧУУДЫН СОЁЛ БОЛОН МОНГОЛ ХҮНИЙ ЗАН ТӨЛӨВИЙГ ТОДОРХОЙЛОХ СУДАЛГАА-ны үр дүн дээр суурилан залуучуудад хэрхэн хувийн бүтээмжийг үнэлж, сайжруулах тал дээр зөвлөмж, илтгэл танилцууллаа.

"Хүрэлтогоот-2023" эрдэм шинжилгээний хурал 2023 оны 11 дүгээр сарын 11-ний өдөр зохион байгуулагдлаа. Манай компани тус хурлын тусгай байрын ивээн тэтгэгчээр 8 дахь жилдээ ажиллаж байна. Энэ удаагийн тусгай байранд МУБИС-ийн Монгол хэлний тэнхимийн магистрант Отгонбаярын Анхилуун “Оюуныг нээгч “оюун түлхүүр” сургаал хийгээд сэтгэл хөдлөлийн оюун ухаан (ei)-ы өгүүлэмж” сэдэвт илтгэлээр шалгарсан юм. 

Азийн хөгжлийн банкнаас зохион байгуулж буй "Business Opportunities Fair 2023" арга хэмжээнд Гүйцэтгэх захирал Ж.Эрдэнэбилэг, Дэд захирал Г.Эрдэнэ нар оролцож байна. Энэхүү арга хэмжээ нь АХБ-тай хамтран ажилладаг байгууллагуудад зориулсан форум бөгөөд салбар бүрийн АХБ-ны мэргэжилтнүүд болон АХБ-тай хамтран ажилладаг бусад байгууллагуудтай хамтран ажиллах боломж олгодог арга хэмжээ гэдгээрээ онцлог юм.

Дэлхийн 70 орчим орны 750 гаруй судалгаа, зөвлөх үйлчилгээний байгууллагууд жил бүр хуран чуулдаг "ESOMAR Congress 2023" арга хэмжээ 9 сарын 10-аас 9 сарын 13-ны хооронд 4 өдрийн туршид Нидерланд улсын нийслэл Амстердам хотноо зохион байгуулагдав. Тус конгресс-т Эс Ай Си Эй ХХК-ийн гүйцэтгэх захирал Ж.Эрдэнэбилэг оролцон туршлага судалж, хамтын ажиллагаагаа өргөжүүлээд ирлээ.

MEN-TERNSHIP ПРОГРАМ ГЭЖ ЮУ ВЭ? SICA компанийн хэрэгжүүлж буй оюутныг илүү чадавхжуулах, хөгжүүлэх, онолоор сурсан мэдлэгээ практик руу буулгаж чадварлаг боловсон хүчин болгон бэлтгэхэд чиглэгдсэн цалинтай дадлагын хөтөлбөр юм. Тус хөтөлбөрийн хүрээнд Монголын томоохон их сургуулиуд болох МУИС, ХААИС болон Хүмүүнлэгийн ухааны их сургуулиудтай санамж бичгийг үзэглэн, хамтын ажиллагаагаа амжилттай үргэлжлүүлж байна.

ESOMAR гэж юу вэ? ESOMAR нь дата анализ, судалгааны салбарын олон улсын тэргүүлэх гишүүнчлэлтэй байгууллага юм. Анх 1947 онд үүсгэн байгуулагдсан бөгөөд 1948 онд гишүүддээ анхны судалгааны стандарт, удирдамж, ёс зүйн дүрмүүдээ танилцуулж эхэлснээс хойш аль хэдийн 70-аад жил болжээ. 1977 оноос стандарт, удирдамж, ёс зүйн дүрмээ Олон Улсын Худалдаа Аж Үйлдвэрийн танхимтай (International chamber of commerce) хамтран гаргаж, 2016 оноос дата анализын стандарт, удирдамж, ёс зүйн дүрмүүдийг мөн гаргаж байна. ESOMAR-ийн гишүүн болсоноор бид дата анализ, судалгааны олон улсын мэдээ, мэдээллийг цаг алдалгүй аван суралцаж, тэргүүлэх туршлагатай хөл нийлүүлэн алхаж, олон улсын хамтын ажиллагаагаа өргөжүүлэх боломж бүрдэж байгаа юм.